© Mair Nutting
Dafydd ap Gwilym ap Gwrach ap Potel gan Elen Pencwm
Clwb Ffermwyr Ifanc Tal-y-bont
Mae Dafydd ap Gwilym, druan, yn sengl, a wnaiff hynny mo'r tro. Sut caiff o hyd i gariad, a phwy ar wyneb y ddaear (neu yng Nghors Fochno), all ei helpu?
Pantomeim lliwgar llawn sbri gan Glwb Tal-y-bont, ddaeth yn ail yng Nghystadleuaeth Pantomeim CFfI Ceredigion, 2018.
Donald Bricit a Stryd y Domen gan saith o feirdd lleol
Cwmni Morlan
Petaech chi’n mynd am dro ar hyd Stryd y Domen yn Aberesmwyth efallai y caech eich synnu gan ei thrigolion. A fel petai tensiwn a ffraeo arferol y stryd ddim yn ddigon, fe ddaw Donald Bricit yr adeiladwr waliau draw i greu mwy o hafoc. Anterliwt gyfoes gan saith o feirdd lleol, (Phil Davies, Sarah Down-Roberts, Hywel Griffiths, Iwan Bryn James, Arwel Rocet Jones, Eurig Salisbury a Iestyn Tyne).
Dychmygol yw’r holl gymeriadau a damweiniol ydi pob tebygrwydd i gymeriadau go iawn – wir i chi!
Tu Hwnt i bob Gofid gan Sion Pennant
Cwmni Drama Doli Micstiyrs
Pam bod plant yr ysgol yn poeni Hannah, a phwy yw’r ‘cyfaill’ dirgel yna sy’n hongian o’i chwmpas? Tybed all Bethan ei helpu?
Drama bwerus sy’n delio â’r thema gyfoes gaiff ei pherfformio gan griw o actorion ifanc talentog.
Y Fainc gan Emyr Edwards
Cwmni Drama Licris Olsorts
Mae Les a Doris yn mynd am dro at y Fainc yn y parc brynhawnn Sadwrn, yn union fel ac y maent wedi ei wneud ers blynyddoedd. Ond, heddiw, caiff eu bywyd priodasol ei newid yn llwyr gan yr ymwelydd annisgwyl â’r Fainc.
Comedi hwyliog gan y dramodydd amryddawn, Emyr Edwards.
A'r Maglau Wedi Torri gan Emyr Edwards
Cwmni Drama Licris Olsorts
Mae Gwenda’n poeni, a ‘dyw hi ddim yn disgwyl ymweliad – yn enwedig gan Sali. Tybed sut wnaiff hi ddelio gyda’r sefyllfa anghysurus sydd wedi codi mor annisgwyl?
Drama nerthol am berthynas dwy wraig gan feistr y ddeialog, Emyr Edwards.