Fe ddaeth y syniad o greu gŵyl ddrama wrth i aelodau a chynhyrchwyr rhai o gwmnïau drama'r ardal drafod pa mor brin yw cyfleoedd i berfformio dramâu erbyn hyn. Mae gwyliau drama bychain wedi araf ddiflanu dros y ddau ddegawd diwethaf, ac eto, mae cymaint o dalent actio a perfformio i'w gael ymysg trigolion yr ardal - yn enwedig rhai o'n pobl ifanc.

Felly penderfynwyd ceisio trefnu gŵyl fyddai'n rhoi cyfleoedd newydd i gwmnïau lleol i lwyfannu eu cynyrchiadau, ac - yn ogystal - i roi cyfle i gynulleidfaoedd lleol gael cyfle i'w mwynhau mewn nifer o leoliadau yng ngogledd y sir.

Mar'r ŵyl wedi estyn gwahoddiad i gwmnïau o tu allan i'r adral i berfformio yn ogystal, a gobeithir medru ehangu'r rhwydwaith yma yn y dyfodol.

Sefydlwyd pwyllgor i'w threfnu, ac wedi derbyn nawdd hael gan Gronfa Eleri, fe lawnsiwyd Gŵyl Ddrama Gogledd Ceredigion yn Ebrill 2018.

Os hoffech chi i'r ŵyl ymweld â'ch cymuned chi, neu os hoffai eich cwmni drama / theatrig chi berfformio yn yr ŵyl, yna cysylltwch â ni os gwelwch yn dda.